嘩嘩嘩~呢篇係我人生o既第一篇日記呀。讀書讀o左咁多年，週記、雙週記、月記都寫過，茌獨是日記未寫過。好緊張呀!!!(講笑o者)人生歲月留留長，寫番低一句兩句俾自己第時睇返都好，再加上都算係我自己其中一個發洩o既地方。

星期二就Test WEEK喇!!!我仲未溫過書呀!!(實俾人斬死) 好死憎pHY呀!!!讀得好好好好好好辛苦!!!

好悶...又唔打得波...又唔出得街。(係無人陪我出街)

想出MK走一轉，不過除o左去補習...我係唔會去潮流特區o架!!! 費事自己眼冤。

想去食日本o既...張Coupon又用唔去...覺得有o的可惜...

o尋日同罐罐傾o左陣...聽佢吐o左一陣苦水...又要讀書又要返Part-time...真係登佢辛苦咯...又要就o黎考試先死! 希望佢成家人快o的搵到間平屋...可以唔駛再寄人籬下再睇人面色受人氣!!! I am always with YOU!!! 加油呀!!!

聽日又可以返學喇!~! 除o左唔想考試...同交功課的話...我會好鐘意返學!~! 因為....可以見到........囉!!!!!

如果...Open Day個日我夠膽同佢講o野就好喇...(真係有o的好憎自己o既感覺呀)

宜家知道人o地無男朋友我都定o的...有的就#@!)#(@!(#(!@#咯!

宜家後悔實在太遲喇...有前路無退路!

覺得自己好白痴...好自閉...好戇居...成日困o係屋企...除o左補習就唔會出街...火燭都唔識走

如果我可以大膽一點...真係一點就夠喇....好!!!聽朝起身又係一條好漢............(都仲係一個寡佬)....繼續我o既人生路....聽晚再寫日記....(如果記得的話)